1 студзеня 2016 г. – 55 гадоў з часу адкрыцця Брэсцкай абласной дзіцячай бібліятэкі (суч. аддзел літаратуры для дзяцей і юнацтва УК «Абласная бібліятэка імя М. Горкага; 1961–1987)
Брэсцкая абласная дзіцячая бібліятэка была афіцыйна створана 1 студзеня 1961 года на базе аддзела абслугоўвання дзяцей Брэсцкай абласной бібліятэкі імя М. Горкага, якое з’явілася пры абанеменце ў 1945 годзе. З 1956 года загадчыцай дзіцячага аддзела была Клаўдзія Дзмітрыеўна Камісарава (Пятрэнка; 1922–2005), якая адпрацавала ў бібліятэцы больш за 40 гадоў. Яна выдатна ведала літаратуру, сфарміравала цудоўны фонд, трапятліва адносілася да кніг.
20 верасня 2015 г. – 205 гадоў з дня нараджэння Плакіда (Плацыда) Гаўрылавіча Янкоўскага (1810–1872), беларускага і польскага пісьменніка-празаіка, паэта, публіцыста, перакладчыка, педагога, царкоўнага дзеяча, магістра тэалогіі
Плакід Янкоўскі – асоба творчая, адораная і неардынарная, належыць да дзеячаў, якія пакінулі значны след у грамадскім і рэлігійным жыцці Беларусі XIX ст.
13 верасня 2015 г. – 140 гадоў з дня нараджэння Сяргея Канстанцінавіча Паўловіча (1875–1940), беларускага грамадска-культурнага і рэлігійнага дзеяч, педагог
Сяргей Канстацінавіч Паўловіч нарадзіўся 13 верасня 1875 года ў вёсцы Осаўцы Кобрынскага павета Гродзенскай губерні (цяпер Драгічынскага раёна Брэсцкай вобласці) ў сям’і святара.
28 лістапада 2015 г. – 65 гадоў з дня нараджэння (1950) Мікалая Пятровіча Кузьміча, мастака-ювеліра, дзеяча мастацтваў Беларусі, лаўрэата прэмій «За духоўнае адраджэнне» (1976) і «Берасцейская зорка» (1997), Дзяржаўнай прэміі Беларусі (1998)
Мікалай Пятровіч Кузьміч нарадзіўся 28 лістапада 1950 года ў вёсцы Патрыкі Кобрынскага раёна Брэсцкай вобласці. Спецыяльную адукацыю атрымаў у Мінскім мастацкім вучылішчы імя А. Глебава ў 1982 годзе. Пасля быў размеркаваны на працу на Брэсцкі мастацкі камбінат.
2015 г. – 435 гадоў з дня нараджэння прападобнага Лявонція Карповіча (1580–1620), вялікалітоўскага праваслаўнага рэлігійнага дзеяча, першага архімандрыта Віленскага брацкага праваслаўнага манастра Святога Духа
Архімандрыт Лявонцій (Лонгін Фёдаравіч Карповіч) нарадзіўся ў Пінску каля 1580 года (верагодна 31 кастрычніка 1580 г.) у сям’і пінскага пратапопа Фёдара Міхайлавіча Карповіча.
2015 г. – 125 гадоў з дня нараджэння Піліпа Дзям’янавіча Мядзведзя (1890–1937), дзяржаўнага дзеяча БССР, удзельніка барацьбы за Савецкую ўладу ў Беларусі і Расіі
Піліп Дзям’янавічМядзведзь нарадзіўся ў 1890 годзе ў вёсцы Масева Пружанскага павета Гродзенскай губерні (цяпер Пружанскага раёна Брэсцкай вобалсці) у сялянскай сям’і. Неўзабаве бацькі пераехалі ў Варшаву.
28 ліпеня 2015 года – 105 гадоў з дня нараджэння Уладзіміра Мацвеевіча Стэльмаха (1910–1974), тэатральнага дзеяча, пісьменніка, заслужанага дзеяча мастацтваў Беларусі
Уладзімір Мацвеевіч Стэльмах нарадзіўся 28 ліпеня 1910 года ў сялянскай сям’і ў вёсцы Бушмічы Брэсцкага павета Гродзенскай губерні (цяпер Камянецкі раён Брэсцкай вобласці). У 1915 годзе, пад час Першай сусветнай вайны, сям’я падалася ў бежанства ў Сібір. Да 1917 года жылі на станцыі Ішым, затым у вёсцы Далёкае пад Табольскам, дзе Уладзімір пайшоў у школу. Вясной 1919 года сям’я вярнулася ў Беларусь і асталявалася ў саўгасе «Пятроўшчына» ля Мінска. Пазней перабраліся ў вёску Зарэчча.
11 ліпеня 2015 г. – 85 гадоў з дня нараджэння Івана Пятровіча Рэя (1930–2002), жывапісца, заслужанага дзеяча мастацтваў Беларусі, лаўрэата спецыяльнай прэміі Прэзідэнта Рэспублікі Беларусь
Іван Пятровіч Рэй нарадзіўся 7 ліпеня 1930 года ў былым хутары Падбулькова каля вёскі Булькава Кобрынскага павета (цяпер Брэсцкага раёна Брэсцкай вобласці).
2015 г. – 270 гадоў з дня нараджэння Мацея Бутрымовіча (1745–1814), дзяржаўнага дзеяча Рэчы Паспалітай, падстарасты і мечніка Пінскага павета
Матэвуш (Мацей) Бутрымовіч нарадзіўся ў 1745 годзе на Ваўкавышчыне ў шляхецкай сям’і герба Топур. Быў сынам Якуба і Анастазіі. Вучыўся ў школе пры езуіцкім калегіуме ў Пінску.
2015 г. – 215 гадоў з дня нараджэння Ігната Рыгоравіча Кулакоўскага (1800–1870), беларускага дзяржаўнага дзеяча, асветніка, педагога, перакладчыка
гнат Рыгоравіч Кулакоўскі нарадзіўся ў 1800 годзе ў сям’і незаможнага шляхціца Рыгора Кулакоўскага, якому належаў маёнтак у вёсцы Янаўшчызна Пружанскага павета (цяпер хутар у Пружанскім раёне Брэсцкай вобласці).